Hezkuntza etikoak animaliak erabili ahal ditu. Albaitaritza ikasleek eskarmentudun profesionalei benetako gaixoekin lan klinikoak egiten laguntzen dietenean, era askotako abilezia klinikoak ikasten ari dira, gaixoen zaintza eta izaki bizidunenganako errespetua barne – animaliekin egindako esperimentuei oposatuz, azken hauek animaliak erabili eta bota ahal diren gauza irakasten baitute. Biologia ikasleek animaliak haien habitat naturalean metodo ez-inbasiboak erabiliz ikertzen dituztenean, animalien portaerari buruz laborategian garatutako esperimentuek irakats ziezaioketena baino askoz ere gehiago ikasten dute. Dohaintza egindako gorputzekin medikuntza ikasleek egiten dituzten disekzioen antzera, albaitaritza eta biologia ikasleek ere disekzio etikoak egin ditzakete gaixotasunek edo zauriz hildako animaliekin.

Ez eraildako animaliak erabiltzeak ezta animaliekin egindako esperimentuek ez diete ikasleei metodo etikoek irakats diezaieketena baino gehiago irakatsiko. Hala ere, animaliekin egindako esperimentuek ikasleengan animalien bizitza gutxiesten duen jarrera bat sor dezakete. Izaki bizidunak erabili eta bota ahal diren gauza direla ikasi duten mediku, albaitari eta ikertzaileak nahi ditugu? Zilegi al da animaliak bere ingurumaritik ateratzea, edo haien bizitza osoa kaiola estuetan gordetzea, beren izaera ezin adierazirik, azkenik disekzio-mahairen batean bukatzeko zein esperimentu inbasiboetan erabiltzeko?