About InterNICHE
	News
	Alternatives
	Conscientious Objection
	Resources
	How you can help
	Sponsors
	Site Map
	Links
	HOME

Introduction in other languages


 

Pandr’a brederowgh y tysk dhywgh arbrovow milyek?

Nyns eus skila vyth oll prag y ladhir miles rag divynyansow ha devnydh yn arbrovow rag adhyskans ha dyskans galwesik. Yma lies fordh arnowydh ha nowydhyek heb devnydh drog, ha deuvons ha bos usadow orth lies pennskol.

Adhyskans enorus heb devnydh pystigadow a viles a wra devnydh a fordhow hag yw moy effeythus ha moy gwiw dhe amkanow dyski. Teknologieth avonsys jynn-amontya a brof lies chons, diworth divynyansow ogas-wirvos ha hwelvaow arbrov war skrin, dhe hevelebians ogas-wirvos kowl-wordroghyadow a oberyansow medhygel. Daffar-dyski arnowydh rag sleynethow an vedhygva ha’ga devnydh ena a syns ynna ynwedh patronyow korr-oberyans ha tusigyon a wirvos ughel, gans organs fals ha jynnweythyow dasvegyans. Fordhow erell yw selys war arbrovyans orth studhyoryon vodhek, gans pigans an nerv ha’n keherow dre dhevnydh a dhaffar-arbrov mellys dhe jynn-amontya.

Adhyskans enorus a yll synsi ynno enyvales. Pan weres studhyoryon milvedhegieth aga heskowetha skentel gans enyvales byw, y tyskons i skeul efan a sleynethow medhygel, synsys ynna gwith enyvales ha revrons rag bywnans — erbynn arbrovow milyek hag a dhysk dhedha bos enyvales toulys a yll bos tewlys dhe skoell. Pan studh studhyoryon bywonieth an enyvales y’ga bywva naturek dre fordhow anomherdhyol, y tyskons i moy dres eghenn yn kever omfara enyvales dell wrussa dyski dhedha arbrov war vil y’n hwelva. Hag yn kettuel dhe’n divynyansow gwrys gans studhyoryon vedhygel war gorfow denel res, studhyoryon milvedhegieth ha bywonieth a yll gul divynyansow enorus war enyvales re verwis a neb kleves po pystik.

Ny wra devnydh a enyvales ledhys hag arbrovow milyek dyski dhe studhyoryon ha hefordhesigyon alwesik moy yn kever testenn es dell allsa fordhow enorus. Byttegyns, arbrovow milyek yw unnik yn unn veghya warnowgh konsayt bos bywnansow enyvales heb bri. Yn tevri, a vynnyn ni arveth milvedhygyon, hwithroryon ha medhygyon neb re dhyskas y hyllir devnydhya kroadurs byw hag ena aga thewlel dhe-ves? A goedh dhyn kemmeres goedhviles a’n gwylvos, prisonys yn kowellow munys dres oll aga bywnans, nevra ny yllons i styrya aga gnas, dhe worfenna unnweyth war an plat-divynyans po pareusys rag arbrovow omherdhyol?

Studhyansow dyllys re dhiskwedhas y hyllir gwaynya skians, sleyneth hag arwodhvos moy effeythus dre dhevnydhya fordhow a-gammow dewisadow. Yn le bos ynniys dhe dhefola aga kryjyansow enorus, y hyll studhyoryon ha hefordhesigyon alwesik perthi ayrgylgh-dyski gwell heb devnydh drog a enyvales. Hwi a’gas beus an galloes dhe wul chanj. Kestevewgh orth InterNICHE rag gweres orth dri dh’y worfenn an devnydh drog a enyvales. Dewisewgh adhyskans enorus!

News release
Other languages