About InterNICHE
	News
	Alternatives
	Conscientious Objection
	Resources
	How you can help
	Sponsors
	Site Map
	Links
	HOME

Introduction in other languages


 

Mba'épa nde reimo'ã nembo'e mymba mba'ekuaareka

Ndaipóri mba'érepa mymba kuéra ojejuka va'erã ha oñembo'i hetekue ojeporu hag̃ua mba'ekuaarekápe, oñembo'e térã oñembokatupyry hag̃ua hese. Ko'ág̃a rupi oĩ heta aporeko pyahu noñembosaráiva mymbáre, ha péichama ojejapo heta mbo'ehaovusu kuérape.

Tekoporã rekombo'e mymba ñembosarai'ỹ reheve ojechauka oho porãveha umi mba'e ohekáva pe tekombo'e. Teynolohía pyahu hypy'ũva ko'ag̃aygua ome'ẽ hetaichagua tape ikatúva ojeporu tekombo'épe, ja'eséramo, kombutaóra rupi mymba rete ñembo'i gua'u guive, añetegua gua'úpe (realidad virtual) jeopera peve. Tekombo'e ko'ag̃aygua natekotevẽvéima ojuka térã oñembosarái mymba oikovévare, ikatu avei ojeopera gua'u umi hete vore michĩvévape, ha ojeporukuaa umi maneki orekóva huyepýpe vorenga ojoguaitereíva añeteguávape. Oĩ avei aparáto kuéra oñekoneyta hag̃ua kombutaórape, ha umíva rupi ikatu temimbo'e kuéra ohecha ha oñandu mba'éichapa hete omba'apo.

Tekoporã rekombo'e ikatu avei oiporu mymba kuéra. Temimbo'e oñembo'eukáva mymba pohãnohararã, oipytyvõ jave umi hapichápe oikuaavévape, oipohãno térã oopera vove mymba oikovévape, umi temimbo'e oñemoarandu heta mba'épe, ha umíva apytépe oĩ pe tekove ñemboaje –ndaipóriva mymba mba'ekuaarekápe, oñembosaráivo mymba kuérare ha ombo'éva mymba ikatuha ojeporu ha oñemombo–. Temimbo'e oñembo'eukáva tekovekuaápe, oikuaaha'ã jave mymba kuérare hekohápe omoñerã'ỹre ha omoangekoi'ỹre mymba kuérape, umi temimbo'e oñemoarandu hetave mba'épe ikatúva ombo'e ichupekuéra pe mymba mba'ekuaareka koty ryepýpe. Ha, ikatuháicha oñekytĩ ha oñemaña ava re'õnguére oñeme'ẽva pohãnokuaa remimbo'e kuérape, ikatu avei ojeporu mymba re'õngue omano va'ekue ijeheguirei mba'asýgui.

Mymba ojejukáva jeporu ha mymba mba'ekuaareka hekovépe nombo'e mo'ãi temimbo'épe hetave mba'e ikatúva ombo'e ichupekuéra tekoporã rekombo'e. Ha katu, mymba mba'ekuaareka he'ívaicha ñandéve mymba rekove ndovaleiha. Jaipotápa añete mymba ha ava pohãnohára, ha kuaaha'ãhára, oñembo'e va'ekue mymba rekove noñemomba'etéi va'erãha, ha ikatuha hete kuéra jaiporu ha ñamombo. Jaipotápa mymba kuéra oñenohẽ hekoha teégui, oñemoĩ ha oñemongakuaa mba'yru'ípe, ndaikatuihápe oiko hekopetépe, upéi ojejuka ha oñembosarái hag̃ua hetekuére, térã omoningo asy hag̃uaiténte.

 Oĩ heta aranduka ohechaukáva ñandéve kuaapy, katupyry ha guerojera ikatuha ojeheka porãve ojeporúramo ambue aporeko. Oñembokuaje rãngue ojapo hag̃ua tekoporã'ỹme, temimbo'e kuéra ovy'ave oñemoaranduhápe, nomoingo asýiramo mymba kuérape. Nde nembarete remoambue hag̃ua ko mba'e. Ehai InterNICHE-pe reipotárõ pytyvõ mba'éichanepa ikatu ojejoko mymba ñembosarái mba'ekuaarekápe. Eiporavo tekoporã rekombo'e!

News release
Other languages