About InterNICHE
	News
	Alternatives
	Conscientious Objection
	Resources
	How you can help
	Sponsors
	Site Map
	Links
	HOME

Introduction in other languages


 

Dusat ni a asak sat nna, hpaji tam ai lam, hpa hkaja ai lam hpe nang gara hku mu ai i?

Daini du hkra, tsi jawng hte kaga training jawng ni hta dusat dumyeng ni hpe 'ga' zingri nna, tinang a matu mahkrum madup hte hpaji a matu asung jashawn jailang ai hpe jahkring kau na aten du nga wa sai. Daini na prat nnan hta prat dep ai jak hpaji ni hte, dusat ni hpe nmachyi shangun, nsat ra ai sha hkaja mai nga sai. Dakkasu law malawng hta mung, dailam ni hta madang tsaw hpaji ni hpe jailang nga sai.

Mungkan phaji hkaja ai lam hta dusat ni hpe nmachyi shangun ai hku jailang hkaja ai lam gaw grau mai kaja ai lam rai nga ai. Madang tsaw ai Computer jak hpaji hpe asung jashawn nna tsi hpaji lam hte ,du sat ni a lam hpe hkaja mai nga sai re.Masha e galaw shapraw ai (artificial organs) ni hpe jai lang  nna, tsi mawan phaji tam ai kaw mi rai rai, kaga asak hkrung ai ni hpe hkaja  hpaji tam ai lam hpe mai galaw ai.

Dusat tsi shara byin jawng mani,  shan hte a mahkrum madup hte hpaji a matu dusat ni hpe 'ga' kadoi sharin ai shalkoi , shan hte hpe sharin ya ai gaw, dusat gaw ga kadoi ngut, jailang ngut ai hte kabai kau loi ai lam hpe mung sharin ya nga ai. Biology jawng ma ni mung lahta de na dusat tsi shara ni hte maren sha rai nga ma ai. Tsi jawng ma ni gaw masha hkum hpe 'ga' kadoi sharin ai shaloi, masha hkum jasi ni hpe sha (medical students on donated human bodies) 'ga' sharin ai, hkaja ai lam hpe mu lu ai. Ndai lam hpe shingdaw yu ai shaloi dusat tsi jawng ma ni, biology jawng ma ni galaw ai majaw dusat ni si hkrum ai hpe mu lu ga ai.

Dusat ni a asak zingri nna sharin yang sha, hpaji hkaja ai lam hpe lu galaw ai re kun? Dusat ni a asak gaw manu ndan ai re ngu ai hku myit la ai rai yang gaw, shimgyim masha ni a tsawra ai myit gaw gara kaw du nga ga ai ta? Dusat ni hpe nam maling kaw nna rim la, lawng kaw sharawng tawn da re ai majaw, shan hte a aprat hpe dai lawng kaw hkrai jahtum ra mat ai. Dai majaw dusat zingri ai lam ni yawng hpe ya jang jahkring kau ga?

Madang tsaw ai computer jak hpaji ni hpe jai lang nna, tinang a hpaji hkaja ai lam hpe galaw ga. Dai rai yang grau nna mai kaja ai hta sha n ga grau nna hpaji lu, grau nna tang du ai lam lu la na re. Nang kaw e dai lam hpe galai shai kau na matu atsam rawng nga ai. InterNICHE kaw matut mahkai nna galaw ai hte dusat ni hpe nsun n ang ai hku jailang zing ri ai lam hpe jahkring kau ga ngu ga saw dat ai rai!

News release
Other languages