|
|
|||||||||||||||||||||||
InterNICHE Co-ordinator
Nick Jukes 42 South Knighton Road Leicester LE2 3LP England Tel/Fax +44 116 2109652 coordinator@interniche.org |
I bwate ile nee yoomdaet ne kiyaen tiong’ik en konetisiet? Mamiten amun neeasi kebar tiong’ik ak keyeeny asi kinetengei. Mi artinnwek che chang che bo kasari che ketatu che ma yaache keboisien tiong’ik en or ne ya, ne kigochamak en skulisiek che bo barak che chang. Ortinwek che chomotin chebo somanet che ma ing’oiyoni tiongik ko boisien oret ne chaektoi ak konamegei ak tokyinetab gei neb o kanetetab gei. Konu musognatosiek che bo kompyuta kamuuget neb o yeengseet ak yoomdaet en pichait agoi kamuulet ne iboru kiit ne u boisietab kanyoiset. Konetisiet nebo be betusiechu neb o ng’omnatetab kanyoiset ak boisietab yeeng’set ko boto keboisien tuguk che mengeech che tinye itonbab kebeberwekab borto ak kimuche kenai kiit ne biitunen yeenguset ne u noton. Ortinwek alak ko koyoomdaengei kipsomaninik che gonugei ak keboisie ting’et nebo kompyuta tigitikab borto. Ortinwek alak che chamotin ko tiinyegei ak tiongik. Yon toreti kipsomaninik che tesetai en veterinary ng’omitikab kebeberaton konetegei tuguk che chang che tiinyegei ak kanyoiset kwo koboto ribetab bik che kinyae ak kondiab sobondo ne toiytos ak yoomdaetab tiongik ne inete bich kele tiong’ik ko tuguk che kimuche ketangoen. Yon inetegei kipsomaninikab biologia agobo tiongik en ole menye tiongichoton, koboisien borwekwak icheget, konetegei en oret ne kaigai agobo otebetab tiongik kosiir ole imuche konaita yon kaeny tiongik en laboratory. Ak ongegeerchin yeng’et ne yae kipsomaninik che inetyingei kanyaetab bik koyaen kebeberwekab borwek che kagonu chito, kotoogu kole yae kipsonaninikab verterinary ak che bo iologia yeeng’set nebo tegis en tiong’ik che kagobek en mionwogik anan kagwotenet. Ma inete kipsomaninik agot kiy missing boisiet ne kiboisien keyoomdaen tiong’ik che kagebar anan che soptos kosiir ole inetitoi bich kasibeet ne nyolu. Ineetin kityo yoomdaet ne keboisien tiong’ik kabwatet ne lenen ma bo kamanut sobetab tiongik. Ng’wany kimuche iman daktarickab kiyagik, bik che chigilisie ak daktariek che inyoe bik che tinye kayanet ne len bik ak tiong’ik konyoljin keboisien, taityo kalakta? Nyolu iman kimut tiong’ik en timin ak kinyokekerchi ole marich en sobenywan tugul, ne magobaiboenjin ole nyoljin komi ak en let kemurmur en sanit nebo tiemdaeti? Tuguk che kigesir ngunon koboru kole naet ak ng’omnatet ne kinetyingei ak naetab tuguk che nyolu kisub konyuru en oret ne kaigai kokagiboisien tesetab tai neb o mutyo kotugul. Ne kata kigiikyin kipsomaninik kobut kayanenywan ne chamaksei, ko yaachei kobabboenji kanetisiet ne mabaisien tiong’ik en oret ne ng’oi. Itinye kamuget iibu wallet. Ityin en ng’alaljinet ‘InterNICHE’ si itoret keisto atabet ne kiboisien tiong’ik en oret ne ya. Lewen somanet ne bo tuguk che nyolu che chamotin.
|
||||||||||||||||||||||
|
