|
|
|||||||||||||||||||||||
InterNICHE Co-ordinator
Nick Jukes 42 South Knighton Road Leicester LE2 3LP England Tel/Fax +44 116 2109652 coordinator@interniche.org |
Guthinjwo kwa nyamu nigetha uthomithio nayo ungiciria guguthomithagia atia? Hatiri gitumi kia nyamu kuragwo ni getha ithinjwo gwika utuiria wa githomo na urutani. Njira cia kiriu na ndikiru citari cia kwananga nyamu iri kuo kwa wuingi na niikoretwo cikihuthika muno mauniversiti-ini maingi. Githomo kiagiririku nikiheanaga kamweke ka njira ingi huthu na nyagiririku mithomithirie-ini citakwananga nyamu. Uhuthiri wa mitambo ya komputa niuhotithagia kuhuthira njira njega cia kugeria kumenya ta kuona nyamu igithinjwo komputaini, kuona mitugo na mithugunda ya nyamu laboratori-ini ona kana kugia na ngereko ya njira iria ihuthikaga urigetini. Njira cia kiriu cia kwiruta urigiti na uthinjani niihunyagira mihiano ya ciumbe nini cia gwithondekera kana mihiano ya nyamu cia bio ciri na ciiga cia gwithondekera ciina uhoti wa kuheana macokio. Njira ingi ciakugeria gwika utuiria ni ciamurutwo kwirutira guika utuiria na ciaga ciake ta icoka kana ciiga iria itwaraga uhoro haki-ini, ikanyitithanio na mitambo ya machini cia utuiria. Githomo kiagiririku ningi nikihuthagira nyamu riria arutwo a urigiti wa nyamu marateithiriria arigiti a nyamu aria meno umenyo muingi guthondeka nyamu iria ndwaru, nimathomaga kwa warii maundu ma urigiti na kumenya bata wa kumenyerera nyamu na gutia muoyo wa nyamu mukana na njira cia guthinja nyamu wiruti-ini iria itekiraga kamukonde bata wa kumenyerera mwonyo wa nyamu. Riria arutwo awiruti wa indo iria cii muonyo( biology) marathoma uhoro wa nyamu iri kuria ciikaraga mataguithumbura, nimerutaga maundu maingi na mitugo ya nyamu gukira uria mangiruta na nyamu cia weruti iria hingire lamboratori. Ningi otauria urutani wa guthinja uria wikagwo ni arutwo aurigiti makihuthira miiri ya andu aria marikitie gukua, arutwo aurigiti wa nyamu na aindo iria cii muonyo nomahuthire nyamu iria irikitie gukua ni murimu kana nguraro. Utumiri wa nyamu iria ciuragitwo hari gwika utuiria ndukithomithia arutwo na athomi wega gukira njira ya unduire ingimathomithia. Ona kuri uguo utuiria wa nyamu ni utumaga mundu one muoyo wa nyamu ta utari wa bata. Hihi notwendage arigiti a nyamu, atuiria na arigiti mathomithitio ati indu iria iri muoyo noihuthika na guteo? Nyamu niciagiriire kweherio kuria cikaraga, kana kuhingirwo ciaga-ini nini muturerei-ini wacio wothe, undu itangihota guikara muikarire wacio wa kinduire, muthia ikarigia na guthinjwo ni undu wa utuiria kana ikaharirio niundu wa utuiria wa njira iria itagiriire? Mathomo maria mandikitwo matwonagia ati umenyi, ugi na njira njega cia uthomi, noihotithanie kumenya na njira huthu tukihuthia njira iria ira tumika na itiganite. Handu hagutumira hinya guthukia witikio wa uundu, arutwo na athomi nomakenerere njira cia mathomo iria itari na wanangi wa nyamu. Wina hinya wakurehe ugaruruku. Araniria na interNiche niundu wa uteithio wa kunina utumiri muru wa nyamu. Cagura urutani uyu mwega.
|
||||||||||||||||||||||
|
