|
|
|||||||||||||||||||||||
InterNICHE Co-ordinator
Nick Jukes 42 South Knighton Road Leicester LE2 3LP England Tel/Fax +44 116 2109652 coordinator@interniche.org |
ທ່ານຄິດວ່າການໃຊ້ສັດເພື່ອທົດລອງສອນທ່ານໃຫ້ຮູ້ຈັກຫຍັງແດ່? ມັນບໍ່ມີເຫດຜົນອັນຈຳເປັນຫຍັງທີ່ຈະຕ້ອງຂ້າສັດເພື່ອເອົາມາຜ່າຕັດແລະ ໃຊ້ເຂົ້າໃນການທົດລອງເພື່ອ ການສຶກສາ ແລະ ການຝຶກອົບຮົມ. ວິທີການທີ່ທັນສະໃໝ ແລະ ມີການປະດິດສ້າງໃໝ່ໂດຍທີ່ບໍ່ຕ້ອງມີການທຳລາຍສັດມີຢູ່ໂດຍຖົມເຖໄປ, ແລະ ໄດ້ກາຍມາເປັນແບບທຳນຽມຂອງມະຫາວິທະຍາໄລຫຼາຍແຫ່ງ. ການສຶກສາທີ່ມີຈັນຍາບັນທີ່ປາສຈາກການໃຊ້ສັດທີ່ເປັນການທຳຮ້າຍ ໄດ້ນຳໃຊ້ວິທີການທີ່ມີປະ ສິດທິຜົນກວ່າ ແລະ ມີຄວາມເໝາະສົມຕໍ່ຈຸດປະສົງໃນການສິດສອນຫຼາຍກວ່າ. ເທັກໂນໂລຢີຂອງຄອມພີວເຕີທີ່ກ້າວໜ້າໄດ້ນຳມາເຊິ່ງຄວາມສາມາດທີ່ເປັນໄປໄດ້ຫຼາຍວິທີນັບຕັ້ງແຕ່ການຜ່າຕັດທີ່ເກືອບຄືຂອງຈິງແລະ ຫ້ອງທົດລອງທີ່ທຳຢູ່ໜ້າຈໍຄອມພີວເຕີ, ຈົນເຖິງການທຳຂັ້ນຕອນໃນການກວດ ພະຍາດທີ່ໃຊ້ການສັງເກດການທຽມໂດຍໃຊ້ຄອມພີວເຕີເຮັດຮູບຊຶມເຂົ້າຢ່າງເຕັມປ່ຽມຄືຂອງຈິງທີ່ສຸດ. ການໃຊ້ເຄື່ອງຊ່ວຍໃນການຝຶກອົບຮົມໃນດ້ານສີມືຄວາມຊຳນານໃນການກວດພະຍາດ ແລະ ການປະຕິບັດການຜ່າ ຕັດຕົວຈິງຍັງລວມມີແບບວີທີການຜ່າຕັດນ້ອຍ ແລະ ການເຮັດຮຸ່ນຄົນທີ່ຄືຂອງຈິງ ທີ່ສຸດ ໂດຍມີອະໄວຍະວະ ແລະ ລະບົບການສົ່ງກັບຄືນມາແບບທຽມ. ວິທີ່ອື່ນແມ່ນອີງໃສ່ການທົດລອງໂດຍໃຊ້ຕົນເອງຂອງນັກສຶກສາອາສາສະມັກໂດຍໃຊ້ອຸປະກອນທີ່ຕໍ່ໃສ່ຄອມພີວເຕີເພື່ອກະຕຸ້ນເສັ້ນປະສາດ/ກ້າມເນື້ອ. ການສຶກສາທີ່ມີຈັນຍາບັນອາດຈະໃຊ້ສັດເຂົ້າມາຂ້ອງກ່ຽວຂ້ອງນຳກໍໄດ້. ເມື່ອນັກສຶກສາສັດຕະແພດທີ່ຊ່ວຍເພື່ອນຮ່ວມງານທີ່ມີປະສົບການໃນການທຳການກວດພະຍາດຂອງຄົນປ່ວຍທີ່ແທ້ຈິງ, ເຂົາເຈົ້າ ຮຽນຄວາມຮູ້ຄວາມຊຳນານໃນການກວດພະຍາດ, ລວມທັງການດູແລປິ່ນປົວຄົນປ່ວຍ ແລະ ນັບຖື ການມີຊີວິດຂອງສັດ-ໂດຍກົງກັນຂ້າມກັບການໃຊ້ສັດການໃຊ້ສັດມາທົດລອງທີ່ສອນໃຫ້ພວກເຂົາເຈົ້າ ຄິດວ່າສັດເປັນເຄື່ອງມືທີ່ໃຊ້ແລ້ວກຳຈັດຖິ້ມໄດ້ພາຍຫຼັງທີ່ໃຊ້ແລ້ວ. ເມື່ອນັກສຶກສາຊີວະສາດທຳການສຶກສາສັດຢູ່ໃນບ່ອນຢູ່ແບບທຳມະຊາດຂອງພວກເຂົາໂດຍໃຊ້ວິທີທີ່ບໍ່ຮຸນແຮງ, ພວກເຂົາເຈົ້າຮຽນຮູ້ຈັກ ນິໃສການປະພຶດຂອງສັດຫຼາຍກວ່າການທຳການທົດລອງກັບສັດຢູ່ໃນຫ້ອງທົດລອງສອນໃຫ້ເຂົາເຈົ້າຕັ້ງຫຼາຍເທົ່າ. ແລະ ຄຽງຄູ່ກັບການທີ່ນັກສຶກສາແພດສາດຜ່າຕັດສົບຄົນຕາຍທີ່ບໍລິຈາກໃຫ້, ນັກສຶກສາ ສັດຕະວະແພດ ແລະ ຊີວະວິດທະຍາສາມາດປະຕິບັດການຜ່າຕັດທີ່ມີຈັນຍາບັນຕໍ່ສັດທີ່ຕາຍຍ້ອນ ການເຈັບປ່ວຍ ຫຼື ຖືກບາດເຈັບ. ການນຳໃຊ້ສັດທີ່ຖືກຂ້າຕາຍ ແລະ ການທົດລອງໂດຍໃຊ້ສັດຈະບໍ່ສອນໃຫ້ຮັກສຶກສາ ແລະ ຜູ້ຮັບການຝຶກ ອົບຮົມຮຽນຮູ້ໃນວິຊາການຫຼາຍໄປກວ່າສິ່ງທີ່ແບບສຶກສາທີ່ມີຈັນຍາສາມາດເຮັດໄດ້. ແຕ່ວ່າແນວໃດກໍຕາມ ລຳພັງແຕ່ການທົດລອງໂດຍໃຊ້ສັດເທົ່ານັ້ນທີ່ເປັນການຝັງເຂົ້າໃນນິໃສຂອງທ່ານ ໃຫ້ຖືວ່າຊີວິດຂອງສັດບໍ່ສຳຄັນ. ພວກເຮົາຢາກໃຫ້ນັກສັດຕະວະແພດ, ນັກຄົ້ນຄວ້າ ແລະ ທ່ານໝໍ ຜູ້ເຊິ່ງໄດ້ຖືກສອນວ່າສິ່ງທີ່ມີຊີວິດສາມາດນຳເອົາມາໃຊ້ ແລະ ໂຍນຖິ້ມໄດ້ບໍ? ຄວນເອົາສັດມາຈາກປ່າ, ຫຼືມາຂັງຢູ່ໃນກົງຕະຫຼອດຊີວິດ, ໂດຍບໍ່ສາມາດສະແດງອອກເຊິ່ງລັກສະນະຕາມທຳມະຊາດຂອງພວກ ເຂົາ, ພຽງແຕ່ໄດ້ຖືກຜ່າຕັດຢູ່ເທິງຖາດຜ່າຕັດສັດໃນທີ່ສຸດ ຫຼື ຖືກກຽມໄວ້ເພື່ອໃຊ້ທຳການທົດລອງ ທີ່ໃຊ້ຄວາມຮຸນແຮງເທົ່ານັ້ນບໍ? ການສຶກສາທີ່ໄດ້ຮັບການພິມເຜີຍແຜ່ໄດ້ສະແດງບອກໃຫ້ຮູ້ວ່າພວກເຮົາສາມາດໄດ້ຮັບຄວາມຮູ້,
ຄວາມ ຊຳນານ ແລະ ຄວາມເຂົ້າໃຈຕໍ່ຈັນຍາບັນມາຢ່າງມີປະສິດທິຜົນຫຼາຍກວ່າຖ້າຫາກໃຊ້ວິທີການທີ່ກ້າວໜ້າ
ມາທົດແທນ. ແທນທີ່ຈະຖືກບັງຄັບໃຫ້ລະເມີດຄວາມເຊື່ອໃນຈັນຍາບັນຂອງຕົນ, ນັກສຶກສາ ແລະ
ຜູ້ເຂົ້າຮັບການອົບຮົມສາມາດມີບັນຍາກາດໃນການຮຽນທີ່ດີກວ່າ ໂດຍບໍ່ຕ້ອງມີການນຳໃຊ້ສັດທີ່ເປັນ
ການທຳລາຍ. ທ່ານມີພະລັງທີ່ຈະທຳໃຫ້ມີການປ່ຽນແປງໃໝ່ເກີດຂຶ້ນ. ກະລຸນາຕິດຕໍ່ຫາເພື່ອຈະທຳ
ໃຫ້ການໃຊ້ສັດທີ່ເປັນການທຳລາຍໃຫ້ສິ້ນສຸດລົງ. ໃຫ້ເລືອກເອົາການສຶກສາທີ່ມີຈັນຍາບັນ!
|
||||||||||||||||||||||
|
