About InterNICHE
	News
	Alternatives
	Conscientious Objection
	Resources
	How you can help
	Sponsors
	Site Map
	Links
	HOME

Introduction in other languages


 

He aha tāu ki ngā akoranga mai i ngā whakamātau i te kararehe?

Kāore he take o te patu kararehe kia tuakina ka whakamātauria mō te whakaakoranga me te whakangungutanga. Kei te nui ngā huarahi hōu, he ara aunoa ki te nuinga o ngā whare wānanga, kia kore ai e tūkinotia te kararehe.

Kei te mātauranga matatika ngā huarahi tōtika ake, aru anō i ngā whāinga akoranga, kāore kau te kararehe e tūkinotia. Kei ngā hangarau hōu ā-rorohiko ētahi huarahi, mai i te tuaki māriko me ngā taiwhanga whakamātau ā-mata, tae atu ana ki ngā whaihanga māriko tūturu o te huarahi haumanu. Kei ngā ūtanga whakangungu o te wā ki ngā pukenga haumanu me te whakaharatau hāparapara ngā tauira hāparapara-moroiti me ngā pakoko tūturu te āhua me te whai waihanga whēkau, pūrere whaitohu hoki. Ko ētahi atu huarahi he mea whakamātau i a ia anō e te tūao ākonga, me te whakaoho ioio/uaua ki te pūrere whakamātau ā-rorohiko.

Kei te mātauranga matatika anō pea te tirotiro kararehe. Mā te āwhina a te ākonga rata kararehe i ōna hoa whai wheako ki te mahi hāparapara i te tūroro tūturu, ka ākona ngā tūmomo pukenga o te hāparapara, taea noatia te manaaki i te tūroro, i tōna hauora – ēngari mō te whakamātau kararehe, ko tōna whakaakoranga he mea maka atu noa te kararehe. Tirohia ana e te ākonga koiora te kararehe ki tōna kāinga me te kore tuaki, he akoranga ki te whanonga nui atu anō i tā te taiwhanga whakamātau. He tuakinga matatika hoki a ngā ākonga rata kararehe, koiora hoki i te kararehe kua mate mai i te māuiui, i te wharanga rānei.

Kāore he akoranga nui atu o te whakamate i te kararehe me te whakamātau kararehe pērā i tō te huarahi matatika kē. He oti rā, ko tā te whakamātau kararehe, he kawe i tō whakapono he mea kore mana te oranga o te kararehe. Me whai e tātou te rata kararehe, te kairangahau, te rata kua whakaakona he mea whakamahi, ka whiua atu noangia te mea koiora? Me mau te kararehe mai i tōna kāinga ki te mauherehere moroiti noa, ka kore e taea ai e ia tōna aotūroa, ka tīraha kau ai ki te terei tuaki, ka whakaritea ai rānei mō te whakamātautanga urutomo kē?

Kua tuhia whānuitia ngā kitenga ka taea tonutia ngā mōhiotanga, ngā pukenga, me te mātau matatika e te whai i ngā huarahi ahu whakamua kē. Ēngari mō te takahi i ō rātou tikanga ake, he koanga ngākau kē mō ngā ākonga ki te taiao akoranga tua atu o te tūkino i te kararehe.  Kei a koe te mana mō te whakarerekē. Whakapā mai ki InterNICHE, te rapu āwhina ki te haukoti i te tūkinotanga o te kararehe. Kapohia ake te akoranga matatika!

News release
Other languages