About InterNICHE
	News
	Alternatives
	Conscientious Objection
	Resources
	How you can help
	Sponsors
	Site Map
	Links
	HOME

Introduction in other languages


 

¿Ima niwaqtaq uywakunawan rikuy yachachikuyta?

Yachachikuypaq hinataq rikuy yachaykaqpas mana punim uywakuna nakayqa, rakiyqa allinchu. Aswanqa kanmi musuq ruwaykuna, mana uywata waqllichispa chaywan yachaychikuypaq utaq rikuy yachaypaqpas, chaynam allin hatun yachay wasikunapi.

Aswanmi allin yachaypaqa, mana uywakuna waqllichispa chay musuq ruwaykunawan yachayqa. Hinataqmi computadorawan musuq ruwaykunqa aswan allin, mana rakispa, qawachikuspalla ichaqa kikin rakiy hinatapuni ruwakun chay musuq ruwaykunawanqa. HInataqmi chay musuq yachaykuna tariyqa kanmamtaqmi, chaypim kanman microcirugia nisqa hinataqmi kikin uywa hina ruwaypas mana kaq uywapa imankunawanpas. Kantaqmi huk ruwaykunapas, kikin yachaqpa ruwayninwan, computadorawan ankun/aychan kuyuchiynin.

Chay allin yachaypas uywakunataqa qawantaqmi. Chaynam yachaqkuna aswan ancha yachaqta uywakunwan yanapaspankum allintaqa yacharinku, chaypim tukuy rikchaq yachaykunata yachanku, kawsaytapas allinta qawarispa, mana chay uywakuna wañuchiq, rakiq hinachu, wischunapaq hina kaynintachu yachan. Hinataqmi kawsaymanta yachaqkunaqa, maymi uywakunapa tiyasqankupi, mana waqllichispa, ruwaspanku, yachaspanku aswanqa paykunamanta yachanku, chayqa manam labratoriopi uywa qawasqa hinachu, chaywanmi aswan chay rakiyta yachanku, hampiq yachaqkunapa cuerpokunapi yachasqanta hina, chaynam kawsaymanta yachaqkunaqa, uywa hampiqpas chay rakiyta ruwanmanku wañusqa uywapi utaq waqllisqa uywapi.

Manam chay wañuchisqa uywakunaqa aswanqa yachachinmanchu, chay wañusqa uywakunapi yachaqkuna yachasqantaqa. Ichaqa chay yachachiypaq uywakunaqa sapankum, mana pipapas qawaykusqan, mana uyakuyninwan ima ruwasqam. ¿Munachwanchu uywa hampiqkuna, yachay maskaqkuna hinataq hampiqkuna kawsaq uywakunapi ima yachanankuta chaymanta wañuchisqata wischunankuta? ¿Ichasqachu uywakuna kananku utaq wañunankama wichqasqachu kananku, mana ima ruway atisqan, ichaqa rikuy yachaypaq hinallachu kanan wañuchinapaq, rakinapaq?

Yachasqañam, yachay, allin ruwaykuna hinataq allí kayninpas, imaynam tariyninqa, musuq ruwaykunwan, allin kaywan. Chaymi mana mayqin iñiynintapas waqllichispa, ancha yachaqkunaqa hinataq musuq yachaqkunapas allin kaypi yachayta atinku mana uywakunata wañuchispa ichaqa paykunawan kuska qawarinakuspanku. Qanmi chayna kananta ruwawaq. Chaypaq InterNICHEta qayarikamuy chayna uywakunawan allin ruway kanampaq. ¡Akllakuy aswan allin yachayta!

News release
Other languages